बिगमार्टमा ई-सेवा तथा फोनपेमार्फत भुक्तानी गर्दा २५ प्रतिशतसम्म छुट पाइने

नेपाल समय | सोमबार, भदौ १, २०७७

नेपाल समय

सोमबार, भदौ १, २०७७

बिगमार्टमा ई-सेवा तथा फोनपेमार्फत भुक्तानी गर्दा २५ प्रतिशतसम्म छुट पाइने

काठमाडौं- बिगमार्टमा सपिङ गर्दा ई-सेवा तथा फोनपे नेटवर्कमार्फत भुक्तानी गर्दा २५ प्रतिशतसम्म छुट पाइने भएको छ ।

डिजिटल भुक्तानीलाई प्रोत्साहन गर्ने उद्देश्यले बिगमार्ट र ई-सेवाको सहकार्यमा सुरु भएको यो योजना भदौ ३१ गतेसम्म लागु हुनेछ । यो योजना बिगमार्टका ५० वटै स्टोर्समा लागु हुने जनाइएको छ ।

योजना अनुसार बिहान र बेलुका फलफूल तथा तरकारी खरिद गर्दा ई-सेवा तथा फोनपेबाट (मोबाइल बैंकिङ) क्यूआरमार्फत भुक्तानी गर्दा १५ प्रतिशत छुट पाइने छ भने दिउँसो ११ देखि ४ बजेसम्म २५ प्रतिशत छुट पाइनेछ । यस्तो छुट अधिकतम ३ सयसम्म पाइनेछ ।

कोरोना महामारीका बेला सबैतिर डिजिटल भुक्तानीका लागि प्रोत्साहन भइरहेका बेला ई-सेवा र बिगमार्टले पनि डिजिटल भुक्तानीलाई प्रोत्साहन गर्न यो योजना सुरु गरेको जनाइएको छ ।

प्रकाशित: Aug 17, 2020| 17:23 सोमबार, भदौ १, २०७७