काठमाडौं– गणतन्त्र इण्डोनेसियाको ७५औँ स्वतन्त्रता दिवस नेपालमा पनि मनाइएको छ।
उक्त अवसरमा सोमबार नेपालका लागि इण्डोनेसियाका अवैतनिक वाणिज्यदूत एवम् आइएमई ग्रुपका अध्यक्ष चन्द्रप्रसाद ढकालले वाणिज्यदूतको कार्यालय, आइएमई कम्प्लेक्स परिसरमा इण्डोनेसियाको झण्डोत्तलन गरेका हुन्।
कोरोना संक्रमण जोखिमका कारण कार्यक्रम सिमित कर्मचारीको बीच मात्रै गरिएको थियो।
नेपाल र गणतन्त्र इण्डोनेसियाबीच सन् १९६० मा औपचारिक कुटनीतिक सम्बन्ध स्थापना भएको हो।
नेपालका लागि इण्डोनेसियाको गैरआवासीय राजदूतको कार्यालय बाङ्लादेशको ढाकामा छ।
प्रकाशित: Aug 17, 2020| 16:16 सोमबार, भदौ १, २०७७
