काठमाडौं– प्रधानमन्त्री एवम् नेकपा अध्यक्ष केपी शर्मा ओली, अर्का अध्यक्ष पुष्पकमल दाहाल र प्रमुख प्रतिपक्षी दल कांग्रेस सभापति शेरबहादुर देउवाबीच बालुवाटारमा भेटवार्ता सुरु भएको छ।
स्रोतका अनुसार संवैधानिक निकायमा पदाधिकारी नियुक्ति लगायतका विषयमा छलफल गर्न प्रधानमन्त्रीले डाकेपछि कांग्रेस सभापति देउवा बालुवाटार पुगेका हुन्।
तीन नेताबीच रिक्त आयोगलाई पूर्णता दिने विषयमा छलफल भइरहेको छ।
नेकपा सचिवालय बैठकपछि ओली, दाहाल र देउवाबीच छलफल सुरु भएको हो। दलित आयोग, महिला आयोग र समावेशी आयोगलगायतमा पदाधिकारी रिक्त छ।
प्रकाशित: Aug 17, 2020| 11:49 सोमबार, भदौ १, २०७७
