काठमाडौं– छिमेकी देश भारतमा कोरोना संक्रमित थपिने र मृत्यु हुनेको संख्या बढ्दो क्रममा छ। केही दिनयता त्यहाँ दैनिक ५० हजारभन्दा बढी संक्रमित थपिइरहेका छन्।
त्यहाँ दैनिक संक्रमित र मृत्यु हुनेको संख्या अहिले विश्वमै सबैभन्दा धेरै छ। पछिल्लो २४ घण्टामा भारतमा ५७ हजार ९८१ जना संक्रमित थपिएका छन्। त्यसैगरी २४ घण्टामै ९४१ जनाको ज्यान गएको छ।
कोरोनाबाट अति प्रभावित देशको सूचीमा चौथो स्थानमा पर्ने भारतमा अहिलेसम्म करिब साढे २६ लाख जना संक्रमित भइसकेका छन्। मृत्यु हुनेको संख्या पनि ५१ हजारको हाराहारीमा पुगेको छ।
भारतमा अहिलेसम्म ४ करोडभन्दा बढीको पीसीआर परीक्षण भइसकेको छ। त्यहाँ दैनिक झन्डै साढे ३ लाख जनाको पीसीआर परीक्षण हुन्छ।
प्रकाशित: Aug 17, 2020| 11:39 सोमबार, भदौ १, २०७७
