बाग्मती प्रदेशमा २८६६ जनामा कोरोना पुष्टि, उपत्यकामा मात्रै १९६६

काठमाडौं– बाग्मती प्रदेशमा कोरोना भाइरस संक्रमितको संख्या दुई हजार ८६६ पुगेको छ। तीमध्ये काठमाडौं उपत्यकामा मात्र एक हजार ९६६ जना छन्।

पछिल्लो २४ घण्टामा बाग्मती प्रदेशमा थप २०५ जनामा कोरोना संक्रमण पुष्टि भएको सामाजिक विकास मन्त्रालयले जनाएको छ।

थपिएका संक्रमितमध्ये काठमाडौंमा १२६, ललितपुरमा ३८, चितवनमा २७, भक्तपुरमा आठ, मकवानपुरमा चार र नुवाकोट र सिन्धुलीमा एक एक जना छन्।

अहिलेसम्म प्रदेशमा ६५४ जना कोरोनामुक्त भएका छन् भने कोरोना संक्रमित दुई हजार १९५ जनाको विभिन्न अस्पतालमा उपचार भइरहेको मन्त्रालयले जनाएको छ।

मन्त्रालयका अनुसार प्रदेशमा हालसम्म १७ जनाले कोरोना भाइरस संक्रमणबाट ज्यान गुमाएका छन्।

यस्तो छ संक्रमितको जिल्लागत विवरण

काठमाडौं – १५६८
ललितपुर – २६७
भक्तपुर – १३१
रसुवा – १३
नुवाकोट – ६९
धादिङ – १६०
चितवन – २१६
सिन्धुली – ५२
मकवानपुर – १७१
रामेछाप – ५४
दोलखा – २५
काभ्रे – ६०
सिन्धुपाल्चोक – ८०