आज संक्रमित ६४१ जना कुनकुन जिल्लाका?

काठमाडौं– पछिल्लो २४ घण्टामा नेपालमा कोरोना भाइरसबाट थप ६४१ जना संक्रमित भएका छन्। संक्रमित हुनेमा २१८ महिला र ४२३ पुरुष रहेको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार काठमाडौं उपत्यकामा मात्र १७२ जनामा कोरोना भाइरस संक्रमण भएको छ। जसमा काठमाडौंका १२६, ललितपुरका ३८ र भक्तपुरका ८ जना छन् ।
इलाममा एक जना संक्रमित थपिएका छन्। यस्तै मोरङमा ९६ जना, सुनसरीमा २ जना र ताप्लेजुङा १ जनामा थप संक्रमण भएको छ ।
मन्त्रालयका प्रवक्ता जागेश्वर गौतमले सप्तरीमा ११, सिरहामा तीन र धनुषामा ३७ जना संक्रमित थपिएको बताए । यस्तै महोत्तरीमा आठ, सर्लाहीमा दुई, बारामा ६९, पर्सामा ६४ र रौतहटमा १४ जना संक्रमित भएको मन्त्रालयको विवरणमा उल्लेख छ।
सिन्धुलीमा एक, नुवाकोटमा एक, चितवनमा २७ र मकवानपुरमा एकजना संक्रमित थपिएका छन्। यस्तै बाग्लुङमा एक, कास्कीमा ११ र लमजुङमा थप एकजनामा संक्रमण भएको छ। नवलपरासी पूर्व र पर्वतमा एक एक जनामा संक्रमण भएको छ भने तनहुँमा ६ जनामा संक्रमण भएको छ। यस्तै कपिलवस्तुमा तीन, पश्चिम नवलपरासीमा आठ र रुपन्देहीमा ५८ जना संक्रमित थपिएका छन्।
दाङमा चार, रोल्पामा दुई, बाँकेमा १० र बर्दियामा थप तीन जनामा संक्रमण भएको छ। पश्चिम रुकुममा एक, जुम्लामा एक, कैलालीमा तीन र कञ्चनपुमार ५ जना संक्रमित थपिएको मन्त्रालयका प्रवक्ता गौतमले बताए।