काठमाडौं– आइतबार ५ जिल्लामा कोरोना संक्रमितको संख्या शून्य भएको स्वास्थ्य तथा जनसंख्या मन्त्रालयले जनाएको छ।
नियमित पत्रकार सम्मेलनमा प्रवक्ता डा. जागेश्वर गौतमले मनाङ, मुस्ताङ, डोल्पा, हुम्ला र संखुवासभामा सक्रिय संक्रमित नभएको बताएका हुन्।
त्यस्तै आइतबारसम्म ५०० बढी संक्रमित हुने जिल्लाको संख्या पनि ५ पुगेको छ।
काठमाडौं, पर्सा, रौतहट, महोत्तरी र मोरङमा ५०० भन्दा बढी संक्रमित भएको मन्त्रालयले जनाएको छ।
प्रकाशित: Aug 16, 2020| 16:31 आइतबार, साउन ३२, २०७७
