काठमाडौं- रौतहटमा २० वर्षीय एक युवकको घाँटी रेटी हत्या गरिएको अवस्थामा शव भेटिएको छ।
गरुडा नगरपालिका-८ जिगंडवाका २० वर्षीय निरन्जन रामको धारिलो हतियारले घाटी रेटेर हत्या भएको अवस्थामा आइतबार बिहान शव फेला परेको हो।
जिल्ला प्रहरी कार्यालय रौतहटले दिएको जानकारी अनुसार शवको प्रकृति हेर्दा धारिलो हतियारले घाटी रेटेर हत्या गरेको देखिएको छ।
शनिवार साँझमा घर जान भनेर काम गर्ने एक फलफूल नर्सरीबाट हिँडेका रामको गाँउभन्दा करिब ३०० मिटर टाढा बाटोमा शव फेला परेको प्रहरीले जनाएको छ।
घटनाको तालिम प्राप्त कुकुरको सहयोगमा अनुसन्धान भइरहेको र शव पोष्टमार्टमका लागि जिल्ला अस्पताल गौर ल्याउदै गरेको प्रहरीले जनाएको छ।
प्रकाशित: Aug 16, 2020| 13:55 आइतबार, साउन ३२, २०७७
