काठमाडौं- स्वास्थ्य तथा जनसंख्या मन्त्रालयले ‘कन्ट्याक्ट हिस्ट्री’ वा ‘ट्राभल हिस्ट्री’ का आधारमा तत्काल कोरोना परीक्षण नगराउन आग्रह गरेको छ।
कतिपय ठाउँमा कोरोना संक्रमितको कन्ट्याक्ट ट्रेसिङको आधारमा आजको आजै कोरोना परीक्षणका लागि स्वाब दिएको घटनाप्रति ध्यानाकर्षण गराउँदै मन्त्रालयले कुनै संक्रमितसँग भेट भएको आधारमा तत्कालै स्वाब नदिन आग्रह गरेको हो।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले ५ दिनसम्म स्वाब नदिन आग्रह गरे। संक्रमितसँग भेट भएको भए ५ दिनसम्म होम क्वारेन्टिनमै बस्नु पर्ने उनले बताए।
५ दिनअगाडि दिइएको स्वाबको कोरोना रिपोर्ट नेगेटिभ आउन सक्ने र त्यसपछि संक्रमण फैलिन सक्ने भएकाले ५ दिनभित्र स्वाब नदिन मन्त्रालयले आग्रह गरेको हो।
प्रकाशित: Aug 15, 2020| 16:50 शनिबार, साउन ३१, २०७७
