वीरगन्जमा थप एक जना संक्रमितको मृत्यु

काठमाडौं- वीरगन्जमा थप एक जना कोरोना भाइरस संक्रमितको मृत्यु भएको छ। वीरगञ्जस्थित नारायणी अस्थायी कोभिड विशेष अस्पताल गण्डकमा उपचाररत वीरगन्ज महानगरपालिकाको मुर्ली निवासी ६० वर्षीय पुरुषले शुक्रबार राति ज्यान गुमाएका छन्।

मृत्यु हुनेमा वीरगन्ज महानगरपालिकाको मुर्ली निवासी ६० वर्षीय वृद्ध रहेको गण्डक कोभिड अस्पतालले जनाएको छ।

एक हप्तादेखि नारायणी अस्थायी कोभिड अस्पतालमा उपचाररत रहेका ती वृद्ध शुक्रबार साँझ ७ बजे कोरोना अस्पतालमा मृत्यु भएको कोभिड अस्पतालका इन्चार्ज डा. उदयनारायण सिंहले बताए। उनका अनुसार उच्च रक्तचाप, मधुमेह रोगबाट ग्रसित र पक्षघात समेत भएका वृद्धलाई कोरोना पुष्टि भएपछि साउन २७ गते भर्ना गरिएको थियो।

 ती पुरुषको शुक्रबार राति सघन उपचार कक्षमा उपचार गर्दागर्दै मृत्यु भएको हो। गत साउन २४ मा उनी कोरोना पुष्टि भएपछि कोभिड अस्पताल आएका थिए।

कोरोना भाइरस संक्रमणका कारण पर्सामा साउनयता मात्रै २३ जनाको मृत्यु भएको छ।