काठमाडौं– सिन्धुपाल्चोकको जुगल गाउँपालिका– २, लिदीमा गएको पहिरो स्थलको निरीक्षण र पहिरो प्रभावित परिवारलाई राहत उपलब्ध गराउन बाग्मती प्रदेशका मुख्यमन्त्रीसहितको टोली लिदी पुगेको छ।
मुख्यमन्त्री डोरमणी पौडेल प्रदेशका आन्तरिक मामिला मन्त्री, सांसद र सुरक्षा प्रमुखहरुको टोली लिएर केहीबेरअघि घटनास्थल पुगेका हुन्।
जिल्ला प्रहरी कार्यालय, सिन्धुपाल्चोका प्रहरी प्रवक्ता एवं डीएसपी माधवप्रसाद काफ्लेले मुख्यमन्त्रीसहितको टोली भर्खरै घटनास्थलमा पुगेको जानकारी दिए।
बाग्मती प्रदेश सरकारका मुख्यमन्त्री पौडेलले घटनास्थलको निरीक्षण गर्नुका साथै प्रभावित परिवारलाई राहत सामग्री उपलब्ध गराउने कार्यक्रम छ।
शुक्रबार बिहान गएको पहिरोमा पुरिएर ३८ जना बेपत्ता भएका हुन्। ११ जनाको शव भेटिएको छ। बाँकी २७ जनाको खोजी जारी छ। पहिरोले त्यहाँका ३७ घर पुरिएका छन्।
प्रकाशित: Aug 15, 2020| 10:04 शनिबार, साउन ३१, २०७७
