काठमाडौं- मनमैजुमा चक्कु प्रहार गरेर एक युवकको हत्यामा संलग्न भएको आशंकामा प्रहरीले तीन जनालाई नियन्त्रणमा लिएको छ।
शुक्रबार राति तीन-चार जनाको समूहले २४ वर्षीय लक्ष्मण तामाङलाई चक्कु प्रहार गरेर हत्या गरेका थिए।
चक्कु प्रहारबाट घाइते तामाङको उपचारको क्रममा ग्रिनसिटी अस्पतालमा मृत्यु भएको महानगरीय प्रहरी परिसर काठमाडौँका एसएसपी श्याम ज्ञवालीले जानकारी दिए।
मनमैजुको मितेरी पुल नजिकै हत्या भएको थियो। हत्या संलग्न मुख्य अभियुक्त भने फरार रहेको प्रहरीले जनाएको छ।
“तीन जना युवकलाई नियन्त्रणमा लिएका छौं। मुख्य अभियुक्त खोजी भइरहेको छ,” एसएसपी ज्ञवालीले भने।
उनीहरु घटना भएको समयमा त्यही भएको प्रहरीले जनाएको छ।
हत्या भएपछि दोर्जे नाम गरेका युवक भने फरार छन्। उनी ट्याक्सी चढेर भागेको बताइएको छ। उनीहरु सुकुम्वाासी टोलमा बस्दै आएको खुलेको छ।
प्रकाशित: Aug 15, 2020| 09:48 शनिबार, साउन ३१, २०७७
