काठमाडौं- कोरोना भाइरस संक्रमणको जोखिम तीव्ररुपमा बढेपछि आज (शुक्रबार) राति १२ बजेदेखि काठमाडौं उपत्यकामा भिडभाड हुने सबै किसिमका गतिविधि गर्न निषेध गरिएको छ।
जिल्ला प्रशासन कार्यालय काठमाडौंका प्रमुख जिल्ला अधिकारी जनकराज दाहालले नेपाल सरकारले जारी गरेको स्वास्थ्य मापदण्डलाई कडाइका साथ पालना गर्ने गराउने गरी यस्ता गतिविधिहरु बन्द गर्न आदेश जारी गरेका हुन्।
निर्देशनअनुसार खुल्ला स्थानमा मानिसहरु भेला हुन, भिडभाड गर्न, सभा जुलुस गर्न, जात्रा, महोत्सव, स.चालन गर्न, दैनिक हुने नित्य पूजा बाहेकका सम्पूर्ण धार्मिक गतिविधिहरु गर्न रोक लगाइएको छ।
यस्तो छ प्रमुख जिल्ला अधिकारी दाहालद्वारा जारी आदेश
प्रकाशित: Aug 14, 2020| 19:20 शुक्रबार, साउन ३०, २०७७
