काठमाडौं- नेपाल प्रहरीको केन्द्रीय अनुसन्धान ब्युराे (सीआईबी) को नाममा एक व्यापारीलाई ठगी गर्न खोज्ने एक जनालाई प्रहरीले पक्राउ गरेको छ।
काठमाडौंका एक व्यवसायीलाई अख्तियारमा मुद्दा परेको र सीआईबीले पक्राउ गर्न थालेको भन्दै ५ लाख ठगी गर्न खोजेको अवस्थामा धादिङ, निलकण्ठ–१४ घर भई तारकेश्वर–११ नेपालटार बस्ने ३६ वर्षीय शंकर प्रसाद अधिकारीलाई पक्राउ गरेको हो।
आफूलाई आलोचना साप्ताहिकको पत्रकार बताउने अधिकारीले व्यापारीलाई मुद्दा रद्ध गरी पक्राउ गर्नबाट रोक्न प्रहरी निरीक्षकलाई ५ लाख दिए मिलाई दिने भन्दै ठग्न खोजेको व्यूरोले जनाएको छ।
अधिकारीले अरुलाई पनि ठगेको हुनसक्ने भएकाले अनुसन्धान भैरहेको व्यूरोले जनाएको छ। अधिकारीलाई आवश्यक कारबाहीका लागि महानगरीय प्रहरी बृत्त महाराजगंज पठाइएको छ।
प्रकाशित: Aug 14, 2020| 18:10 शुक्रबार, साउन ३०, २०७७
