बलात्कार आरोपित एसएसपी अधिकारीविरुद्धको मुद्दा अदालत पेश

काठमाडौं– बलात्कार आरोपमा पक्राउ परेका सशस्त्र प्रहरी बलका प्रहरी वरिष्ठ उपरीक्षक (एसएसपी) राजेन्द्र अधिकारीविरुद्धको मुद्दा कास्की जिल्ला अदालतमा दर्ता भएको छ।

जिल्ला सरकारी वकिल कार्यालयमार्फत आइतबार अधिकारीविरुद्धको अभियोग दर्ता भएको जिल्ला अदालतले जानकारी दिएको छ।

अदालतका सूचना अधिकारी रामचन्द्र उपाध्यायले आइतबार अबेर अदालतमा पेश गरेकाले अभियोगपत्र दर्ता गर्ने काममात्र भएको जानकारी दिए।
उपाध्यायले सोमबार अधिकारीको बयानपश्चात थुनामा राख्ने कि तारेखमा छोड्ने भन्ने बिषयमा थुनछेक बहस हुने बताए। प्रहरीले घटनाबारे अनुसन्धान सकेर मिसिल सरकारी वकिल कार्यालयमा बुझाएको थियो।

भरतपुर चितवनकी एक महिलालाई अधिकारीले आफ्नो क्वार्टरमा खाना खान बोलाएर बलात्कार गरेको उजुरी परेपछि असार ३१ गते प्रहरीले पक्राउ गरेको थियो।

अधिकारी सशस्त्र प्रहरी बल तालिम केन्द्र पोखरामा कार्यरत थिए। उनको सरुवासमेत भैसकेको थियो।

सम्बन्धित समाचार

बलात्कार आरोपमा सशस्त्र प्रहरीका एसएसपी पक्राउ