होटल क्षेत्रका कर्मचारीको ३६ प्रतिशतले तलब कटौती

लकडाउनको समयमा होटल तथा रेष्टुरेन्ट व्यवसायमा कार्यरत कर्मचारीको तलब ३६.४ प्रतिशतले कटौती भएको छ।

नेपाल समय | बिहीबार, साउन २२, २०७७

नेपाल समय

बिहीबार, साउन २२, २०७७

होटल क्षेत्रका कर्मचारीको ३६ प्रतिशतले तलब कटौती

काठमाडौं– लकडाउनको समयमा होटल तथा रेष्टुरेन्ट व्यवसायमा कार्यरत कर्मचारीको तलब ३६.४ प्रतिशतले कटौती भएको छ।

नेपाल राष्ट्र बैंकको ‘कोभिड १९ ले अर्थतन्त्रमा पारेको प्रभाव सम्बन्धी अध्ययन प्रतिवेदन’ अनुसार समग्र उद्योग/व्यवसायले १८.२ प्रतिशतले कर्मचारीको तलब कटौती गरेकोे पाइएको हो।

होटल क्षेत्रपछि यातायात तथा भण्डारण क्षेत्रका कर्मचारीको ३१.२ र शिक्षा क्षेत्रमा २१.१ प्रतिशतले तलब कटौती भएको छ।

विद्युत्, ग्यास तथा पानी व्यवसायका कर्मचारीको २०.६, उत्पादनमुलक उद्योगमा १०.४६ र थोक तथा खुद्रा व्यापारमा १५.४६ प्रतिशतले तलब काटिएको छ।

स्वास्थ्य तथा सामाजिक क्षेत्रमा कार्यरतको तलब ५.४ प्रतिशतले काटिएको छ भने खानी तथा उत्खनन क्षेत्रका कर्मचारीको तलब कटौती भएको छैन।

प्रकाशित: Aug 06, 2020| 13:57 बिहीबार, साउन २२, २०७७