पर्सामा एकै दिन २७ कैदीबन्दी, ११ सुरक्षाकर्मीसहित १३२ जनामा कोरोना संक्रमण

पर्सा– पर्सामा बुधबार एकै दिन १३२ जनामा कोरोना भाइरस संक्रमण देखिएको छ।

नारायणी अस्पतालको पीसीआर ल्याबको रिपोर्टअनुसार वीरगन्ज कारागारका ६ महिलासहित २७ जना र ११ जना सुरक्षाकर्मीसमेत थप १३२ जनामा कोरोना संक्रमित भएको हो।

याे पर्सामा समुदायस्तरमा फैलिएको कोरोना संक्रमण हालसम्मकै धेरै हो। कारागारमा यसअघि १३ जना संक्रमित थिए।

वीरगन्ज भन्सार कार्यालयमा तैनाथ सशस्त्र प्रहरीका तीन जवानमा संक्रमित देखिएको नारायणी अस्पतालका चिकित्सक डा. निरज सिंहले जानकारी दिए।

संक्रमित हुने अन्य सुरक्षाकर्मीमा नेपाली सेनाका तीन जना र वडा प्रहरी कार्यालय बिर्तामा कार्यरत प्रहरी छन्। यस्तै इलाका प्रहरी कार्यालय प्रसौनीका चारजना प्रहरीमा सं‌क्रमण देखिएकाे छ।

अन्य संक्रमितमा वीरगन्ज महानगरपालिकाअन्तर्गतका बिर्ता, आदर्शनगर, छपकैया, भिष्वा, उदयपुरघुर्मी, मुर्ली र प्रगतिनगरका छन्।

याे पनि पढ्नुस् :

वीरगन्ज कारागारका जेलरमा पनि कोरोना संक्रमण