धनगढी– सुदूरपश्चिम प्रदेशमा थप २६ जनामा कोरोना संक्रमण पुष्टि भएको छ । योसँगै सुदूरपश्चिम प्रदेशमा कोरोना संक्रमितको संख्या चार हजार चार सय ३७ पुगेको छ ।
पछिल्लो २४ घण्टामा सेती प्रादेशिक अस्पतालको प्रयोगशालामा भएको दुई सय ७१ जनाको परीक्षणमा थप २६ जनामा कोरोना संक्रमण पुष्टि भएको हो ।
सेती प्रादेशिक अस्पतालका सूचना अधिकारी दिलिपकुमार श्रेष्ठले आज कैलालीका २३, बझाङका दुई र कञ्चनपुरका एक जनामा कोरोना संक्रमण पुष्टि भएको बताए ।
सूचना अधिकारी श्रेष्ठका अनुसार धनगढी उप–महानगरपालिकाका आठ महिला र आठ पुरुष, टीकापुर नगरपालिकाका सात जना, बझाङ मष्टा वडा नम्बर १ का एक पुरुष र बझाङ छब्बिसपाथिभरा वडा नम्बर ७ का एक पुरुष भिमदत्त नगरपालिका–१७ का एक जना पुरुषमा कोरोना संक्रमण पुष्टि भएको हो ।