नेपाल टेलिकमका पोस्टपेड मोबाइल ग्राहकले दुई प्रतिशत स्वामित्व कर तिर्नुपर्ने

नेपाल टेलिकमको पोस्टपेड नम्बर लिएकाहरुलाई दुई प्रतिशत स्वामित्व चार्ज लाग्ने भएको छ ।

नेपाल समय | मंगलबार, साउन १३, २०७७

नेपाल समय

मंगलबार, साउन १३, २०७७

नेपाल टेलिकमले आफ्ना पोस्टपेड मोबाइलका ग्राहकहरुलाई म्यासेज गरी स्वामित्व कर लाग्ने भएकोले प्रत्येक रिचार्जमा दुई प्रतिशत स्वामित्व कर काटिने जानकारी दिएको हो ।

नेपाल टेलिकमका सहप्रवक्ता कृष्णप्रसाद भण्डारीका अनुसार यो कर पोस्टपेड ग्राहकलाई मात्र लाग्ने छ । प्रिपेडका ग्राहकलाई भने पहिलेदेखि नै लाग्दै आएको छ ।

भन्डारीले भने, ‘प्रिपेडमा पहिलेदेखि नै प्रत्येक रिचार्जमा दुई प्रतिशत स्वामित्व चार्ज लिइँदै आएको थियो, पोस्टपेडमा भने धरौटी राख्दा नै लिइने भएकोले लिने गरिएको थिएन, अबदेखि भने लिइने छ ।’

उनले आर्थिक ऐन २०७७ बमोजिम सो कर लिएको पनि जानकारी दिए ।

प्रकाशित: Jul 28, 2020| 17:35 मंगलबार, साउन १३, २०७७