काठमाडौं– ४ असार यता भएका २१ उडानमार्फत् मलेसियाबाट ३ हजार ३२२ नेपाली स्वदेश फर्किएका छन्।
नेपाली राजदूतावास मलेसियाका अनुसार योसँगै पहिलो चरणको चाटर्ड उडान सम्पन्न भएको छ।
नेपाल एयरलाइन्स, हिमालय एयरलाइन्स र मालिन्दो एयरका विमानमार्फत् चटार्ड उडान गरिएको थियो।
यो संख्यामा मलेसिया बाहेक इण्डोनेसियाबाट फर्किने २० जना, फिलिपिन्सबाट १०९ जना तथा हङकङ, भियतनाम, सिंगापूर, ताइवान र स्पेनबाट फर्किनेको संख्यासमेत जोडिएको छ।
क्वालालम्पूरबाट भएको उडानबाट मलेसियाको विभिन्न जेलर डिटेन्सन केन्द्रमा रहेका ६९ जना नेपाली पनि फर्किएका छन्।
यी उडानबाट ३९ वटा शव समेत नेपाल ल्याइएको छ।
पढ्नुस्:
कोरोनाबाट विश्वभर १८३ नेपालीको मृत्यु
प्रकाशित: Jul 12, 2020| 12:25 आइतबार, असार २८, २०७७
