विद्युत् महसुल हिनामिना गर्ने कर्मचारीविरुद्ध मुद्दा

ग्राहकले तिरेको विद्युत् महसुल हिनामिना गर्ने नेपाल विद्युत् प्राधिकरणका एक कर्मचारीविरुद्ध अख्तियार दुरुपयोग अनुसन्धान आयोगले विशेष अदालतमा मद्दा दायर गरेको छ।

नेपाल समय | सोमबार, जेठ २६, २०७७

नेपाल समय

सोमबार, जेठ २६, २०७७

काठमाडौं- ग्राहकले तिरेको विद्युत् महसुल हिनामिना गर्ने नेपाल विद्युत् प्राधिकरणका एक कर्मचारीविरुद्ध अख्तियार दुरुपयोग अनुसन्धान आयोगले विशेष अदालतमा मद्दा दायर गरेको छ।

मोरङको रंगेली वितरण केन्द्रका तत्कालीन हेल्पर (म्यादी) अरुणकुमार गुरुङविरुद्ध विद्युत् महसुलबापतको आठ लाख ७३ हजार पाँच सय ४२ रुपैयाँ हिनामिना गरेको अभियोगमा अख्तियारले सोमबार मुद्दा दायर गरेको हो।

गुरुङले आर्थिक वर्ष ०६८/०६९ र २०६९/०७० मा उक्त रकम हिनामिना गरेको अनुसन्धानबाट खुलेको अख्तियारका प्रवक्ता प्रदीपकुमार कोइरालाले जानकारी दिए।
ग्राहकले महसुल बुझाए पनि बक्यौता देखिएपछि अख्तियारमा उजुरी परेको थियो।

प्रकाशित: Jun 08, 2020| 13:20 सोमबार, जेठ २६, २०७७