थप एक जना कोरोना संक्रमितको मृत्यु, अन्य रोगबाट पनि पीडित थिए

पोखरा स्वास्थ्य विज्ञान प्रतिष्ठानअन्तर्गतको पश्चिमाञ्चल क्षेत्रीय अस्पतालमा उपचाररत कोभिड–१९ एक सङ्क्रमितको मृत्यु भएको छ ।

नेपाल समय | सोमबार, जेठ २६, २०७७

नेपाल समय

सोमबार, जेठ २६, २०७७

अस्पतालको आइसोलेसनमा उपचाररत स्याङ्जाको वालिङ नगरपालिका–३ का ६० वर्षीय एक पुरुषको मृत्यु भएको प्रदेश स्वास्थ्य निर्देशनालय पोखराले आज विज्ञप्ति जारी गरी पुष्टि गरेको हो ।

निर्देशनालयका निर्देशक डा विनोदविन्दु शर्माका अनुसार यही जेठ २२ गतेदेखि अस्पतालको प्रि–आइसोलेसन कक्षमा उपचार गराइरहेका ती व्यक्तिको प्रयोगशालामा गरिएको परीक्षणमा आइतबार साँझ कोरोना पोजिटिभ देखिएपछि आइसोलेसन कक्षमा सारिएको थियो । उनी मिर्गौला, मधुमेहलगायतका रोगको बिरामी भएको बताइन्छ ।

योसँगै नेपालमा कोरोना संक्रमित भएर मृत्यु हुनेको संख्या १४ पुगेको छ।

प्रकाशित: Jun 08, 2020| 07:59 सोमबार, जेठ २६, २०७७