यी हुन् कोरोनाबाट अति प्रभावित दस मुलुक, भारत सातौं स्थानमा

काठमाडौं- विश्वव्यापी महामारीका रुपमा फैलिएको कोरोना भाइरसबाट ६२ लाख ६५ हजारभन्दा बढी व्यक्ति संक्रमित भएका छन्।

जोन हपकिन्स विश्वविद्यालयका अनुसार कोरोनाबाट मंगलबार बिहानसम्ममा ३ लाख ७५ हजार ५ सय २६ जनाको मृत्यु भएको छ।

कोरोनाबाट प्रभावित २ सय १३ मुलुकमध्ये २१ मुलुकमा ५० हजार बढी संक्रमित छन् भने १४ मुलुकमा एक लाख बढी संक्रमित छन्। ६ मुलुकमा २ लाख बढी संक्रमित छन्।

भारतमा संक्रमितको संख्या २ लाख नजिक पुगेको छ। कोरोनाबाट अति प्रभावित मुलुकको सातौं सूचीमा परेको भारतमा केही दिनयता दिनहुँ ७ देखि ८ हजार नयाँ संक्रमित थपिने गरेका छन्।

संक्रमित र मृतक सबैभन्दा बढी अमेरिकामा छन्। जहाँ अहिलेसम्म १८ लाख ११ हजारभन्दा बढी संक्रमित छन् भने १ लाख ५ हजार १ सय ६५ जनाको मृत्यु भएको छ।

कोरेनाबाट अति प्रभावित मुलुकको दोस्रो नम्बरमा ब्राजिल छ। जहाँ ५ लाख २६ हजार ४ सय ४७ जना संक्रमित छन् भने २९ हजार ९ सय ३७ जनाको मृत्यु भएको छ।

तेस्रो प्रभावित मुलुक रुसमा ४ लाख १४ हजार ३ सय २८ जनामा संक्रमण पुष्टि भएको छ भने ४ हजार ८ सय ४९ जनाको मृत्यु भएको छ।

चौथाें प्रभावित मुलुक बेलायतमा २ लाख ७७ हजार ७ सय ३६ जना संक्रमित हुँदा ३९ हजार १ सय २७ जनाको मृत्यु भएको छ।

पाँचौं कोरोना प्रभावित मुलुक स्पेनमा २ लाख ३९ हजार ६ सय ३८ जना संक्रमित भएका छन् भने २७ हजार १ सय २७ जनाको मृत्यु भएको छ।

छैटौं प्रभावित मुलुक इटालीमा २ लाख ३३ हजार १ सय ९७ जना संक्रमित हुँदा ३३ हजार ४ सय ७५ जनाको मृत्यु भएको छ ।

सातौं कोरोना प्रभावित मुलुक भारतमा १ लाख ९८ हजार ३ सय ७० जनामा कोरोना पुष्टि हुँदा ५ हजार ६ सय ८ जनाको मृत्यु भएको छ।

आठौं प्रभवित मुलुक फ्रान्समा १ लाख ८९ हजार ३ सय ४८ जना संक्रमित भएका छन् भने २८ हजार ८ सय ३६ जनाको मृत्यु भएको छ।

नवौं प्रभावित मुलुक जर्मनीमा १ लाख ८३ हजार ५ सय ९४ जना संक्रमित हुँदा ८ हजार ५ सय ५५ जनाको मृत्यु भएको छ।

दसाैं प्रभावित मुलुक पेरुमा १ लाख ७० हजार ३९ जनामा संक्रमण पुष्टि भएको छ भने ४ हजार ६ सय ३४ जनाको मृत्यु भएको छ।