बझाङमा पनि कोरोना संक्रमित, सुर्खेतमा एकै दिन १३ जना थपिए

सुर्खेत- बझाङ पनि कोरोना संक्रमित भेटिएका छन्।

सुर्खेतमा गरिएको पीसीआर परीक्षणमा बझाङका ५५ वर्षीय पुरुषमा कोरोना संक्रमण पुष्टि भएको कर्णाली प्रदेश सामाजिक विकास मन्त्रालय स्वास्थ्य महाशाखा प्रमुख डा. लक्ष्मीनारायण तिवारीले जानकारी दिए।

बुधबार सुर्खेतमा पीसीआर परीक्षणमा १५ जनाको रिपोर्ट पोजेटिभ आएको छ। यद्यपि एक जना महिला बोल्न नसक्ने भएका कारण उनको विवरण खुलेको छैन। उनको विवरणका लागि प्रहरीसँग सूचना संकलन भइरहेको तिवारीले बताए।

नयाँ संक्रमित १५ जनामध्ये वीरेन्द्रनगर नगरपालिका ३ महिलासहित १० जना, चौकुने गाउँपालिका २ महिलासहित ३ जना छन्। जसमा वीरेन्द्रनगर ४ का ६ जना, वडा ३ का १ जना, वडा ५ का १ जना, वडा ९ का १ जना, वडा ११ का १ जना र चौकुने गाउँपालिकाका ३ जना छन्।

यसअघि सुर्खेतका १५ र दैलेखका ८ जनामा कोरोना संक्रमण पुष्टि भइसकेको छ। योसँगै कर्णालीमा कोरोना सँक्रमितको संंख्या ३६ पुगेको छ। भारतबाट फर्कंंदै गर्दा मंगलबार राति मृत्यु भएका युवकको रिपोर्ट भने नेगेटिभ आएको छ।