अस्पतालहरुमा आलोपालो ड्युटी मिलाउन मन्त्रालयको निर्देशन

स्वास्थ्य तथा जनसंख्या मन्त्रालयले स्वास्थ्यकर्मी तथा सहयोगीहरुको आलोपालो ड्युटीका लागि स्वास्थ्य केन्द्रहरुलाई निर्देशन दिएको छ।

नेपाल समय | मंगलबार, जेठ १३, २०७७

नेपाल समय

मंगलबार, जेठ १३, २०७७

काठमाडौं- स्वास्थ्य तथा जनसंख्या मन्त्रालयले स्वास्थ्यकर्मी तथा सहयोगीहरुको आलोपालो ड्युटीका लागि स्वास्थ्य केन्द्रहरुलाई निर्देशन दिएको छ।

कोरोना भाइरसको महामारीमा अग्रपंक्तिमा खटिएका स्वास्थ्यकर्मी र सहयोगीहरु पनि बढी संक्रमित हुने जोखिम बढ्दै गएपछि मन्त्रालयले जोखिम न्यूनिकरणका लागि आलोपालो ड्युटी गर्न निर्देशन दिएको हो।

मन्त्रालयका सहप्रवक्ता डा. समिर कुमार अधिकारीले अस्पतालहरुमा उपलब्ध जनशक्तिलाई सुरक्षित र व्यवस्थित गर्न दुई समूह बनाई एउटा टोली एक हप्ता र एउटा टोली अर्को हप्ता काममा जाने गरी सेवा निरन्तरता दिन निर्देशन दिइएको बताए।

मन्त्रालयको सचिवस्तरीय बैठकले स्वास्थ्यकर्मी र सहयोगीहरुलाई कोरोना भाइरसको संक्रमणबाट जोगाउन अस्पतालहरुलाई यस्तो निर्देशन दिने निर्णय गरेको हो।

प्रकाशित: May 26, 2020| 15:09 मंगलबार, जेठ १३, २०७७