मृतक युवतीको स्वाब परीक्षणका लागि टेकु पठाइयो

शङ्खरापुर नगरपालिका साँखुमा सोमबार मृत्यु भएकी एक युवतीको पीसीआर परीक्षणका लागि टेकुस्थित शुक्रराज ट्रपिकल तथा सरुवा रोग अस्पताल पठाइएको छ।

नेपाल समय | सोमबार, जेठ १२, २०७७

नेपाल समय

सोमबार, जेठ १२, २०७७

साँखु- शङ्खरापुर नगरपालिका साँखुमा सोमबार मृत्यु भएकी एक युवतीको पीसीआर परीक्षणका लागि टेकुस्थित शुक्रराज ट्रपिकल तथा सरुवा रोग अस्पताल पठाइएको छ।

वैशाख १२ गते कञ्चनपुरबाट साँखु आफन्तकहाँ आएकी २० वर्षीय रीतु राईको मृत्यु भएपछि स्वाब परीक्षणका लागि पठाइएको शङ्खरापुर नगरपालिकाका स्वास्थ्य संयोजक विष्णुप्रसाद चापागाईंले बताए।

कञ्चनपुरबाट आएको दिनदेखि १० दिनसम्म उनलाई इन्द्रेणीको स्वास्थ्य केन्द्रको क्वारेन्टिनमा राखिएको थियो। उनको आरडीटी रिपोर्ट नेगेटिभ आएपछि उनी आफन्तको घरमा गएकी थिइन्।

क्षयरोगको समेत बिरामी रहेकी उनको स्वास्थ्य असामान्य हुँदै गएपछि साँखुमा रहेको सुष्मा कोइराला मेमोरियल कलेजमा लगिएको थियो। आज बिहान उनको अस्पतालमै मृत्यु भएको चापागाईंले बताए। -रासस

प्रकाशित: May 25, 2020| 19:53 सोमबार, जेठ १२, २०७७