वीरगञ्जमा डाक्टरहरुबीच हात हालाहाल

ह्वाट्सएप ग्रुपमा भएको कुराकानीलाई लिएर वीरगन्जका चिकित्सकबीच हात हालाहाल भएको छ।

कोरोना भाइरसका संक्रमितको उपचारमा खटिरहेका चिकित्सकलाई वीरगन्जकै एक चिकित्सकले ह्वाट्सएप ग्रुपमा जथाभावी लेखेको भन्दै विवाद भएपछि चिकित्सकहरुबीच हात हालाहाल भएको प्रत्यक्षदर्शीले बताएका छन्।

'एनएमए नारायणी जोनल ब्रान्च' नामक ह्वाट्सएप ग्रुपमा एकअर्कालाई हनुमानको आरोप लगाएको लगायतका विषयमा विवाद भएपछि  नगर सभागृहमा दुवै समूहका चिकित्सहरु भेला भएर  हात हालाहाल गरेका हुन्।

नारायणी अस्पतालमा कार्यरत डा. दीपक चौरसिया, साहबुद्दिन र डा. मधुरन्जन सिंह लगायतबीच हात हालाहाल भएको हो ।

ग्रुपमा भएको कुराकानीका विषयमा छलफलका लागि डा. मधुरन्जनलाई बोलाएको भए पनि उनले कुटपिट गर्ने मनसायले नै ३-४ जना अरु व्यक्ति पनि सँगै लिएर आएको र कुरै नगरी हातपात गरेको नारायणी अस्पतालका चिकित्सकहरु बताउँछन्।

डा. मधुरन्जन नेशनल मेडिकल कलेजमा कार्यरत चिकित्सक हुन् ।

कुटपिटबाट डा. दीपक चौरसियालाई चोट लागेको छ भने अन्यको अवस्था सामान्य छ ।

कोरोना संक्रमितलाई हेर्नसमेत नगएको भन्दै वीरगन्जका चिकित्सकको आलोचना हुँदै गएको छ।