सर्लाहीको गोडैतामा दुई दिनमा २५ जनामा संक्रमण पुष्टि

जनकपुरधाम- सर्लाहीको गोडैता नगरपालिकामा दुई दिनमा २५ जनामा कोरोना संक्रमण पुष्टि भएको छ।

शनिबार थप १२ जना नयाँ संक्रमित फेला परेसँगै गोडैता नगरपालिकामा दुई दिनभित्र यो संख्या २५ पुगेको हो।

यसअघि शुक्रबार त्यहाँ १३ जनामा कोरोना संक्रमण पुष्टि भएको थियो।

सर्लाहीका प्रमुख जिल्ला अधिकारी मोहनबहादुर जिसीले गोडैता नगरपालिकामा थप १२ जनामा कोरोना संक्रमण पुष्टि भएको जानकारी दिए। उनका अनुसार शनिबार संक्रमण पुष्टि भएकाहरु भारतको विभिन्न स्थानबाट आएका हुन्। संक्रमित सबै भारतबाट फर्केलगत्तै प्रमुख जिल्ला अधिकारी जिसीले बताए।

उनले सर्लाहीकै कविलासी नगरपालिकाका एक पुरुषलाई संक्रमण पुष्टि भएको जानकारी दिए। उनका अनुसार ती पुरुष अहिले काठमाडौंमा छन्।

स्वास्थ्य तथा जनसंख्या मन्त्रालयले शनिबार बिहान सर्लाहीको गोडैता र कविलासी नगरपालिकाका १८, २०, २०, २०, २१, २२, २३, २६, २६, २८, ३३, ३५ र ३५ पुरुषमा कोरोना संक्रमण पुष्टि गरेको थियो।