नयाँ नक्सा तत्काल अन्तर्राष्ट्रियकरण गर्दैनाैं : सरकारका प्रवक्ता

काठमाडौं- सरकारले हालै जारी गरेको नेपालको नयाँ नक्सालाई तत्काल अन्तर्राष्ट्रियकरण नगर्ने भएको छ।

मन्त्रिपरिषद्को निर्णय सार्वजनिक गर्न शुक्रबार आयोजित पत्रकार सम्मेलनमा सरकारका प्रवक्ता अर्थ एव् सञ्चार तथा सूचना प्रविधिमन्त्री डा. युवराज खतिवडाले सर्वप्रथम नयाँ नक्साबारे छिमेकी भारतसँग वार्ता गरेर विवाद समाधान गरिपछि मात्र अन्तर्राष्ट्रियकरण गर्न सकिने बताए।

उनले भने, 'अहिले हामीले नेपालको वास्तविक अन्तर्राष्ट्रिय सीमासमेतको नक्सा जारी गरेका छौं। अब छिमेकी मुलुकहरुसँगका विवाद  कूटनीतिक प्रयासमा द्विपक्षीय वार्ताका माध्यमबाट समाधान गर्नेर्छौं। त्यसलाई अहिले अन्तर्राष्ट्रिकरण गर्ने सोचेका छैनौं।'

उनले सबुद र प्रमाणका आधारमा मित्रराष्ट्रसँग संवाद गरेर हाम्रा ती भूमि स्वतः नेपालको हो भन्ने स्वीकर गर्ने स्थितिमा पुर्याउन सरकारको प्रयास रहने बताए।

उनले भने, 'त्यसपछि मात्र अरु कुरा के गर्ने भन्ने हुन्छ। अहिले जमिनको बारेमा छिमेकी मुलुकसँग संवाद गर्ने र सोहीअनुसार अघि बढ्ने सरकारको निर्णय हो।'