कोरोनाबाट मृत्यु भएका शिक्षकको शव ३१ घण्टापछि व्यवस्थापन गरिँदै

कोरोना भाइरसको संक्रमणबाट हिजो (बिहीबार) बिहान मृत्यु भएका गुल्मीका ४१ वर्षीय शिक्षकको शव आज बल्ल उठाइएको छ।

मृत घोषणा भएको करिब ३१ घण्टापछि शव व्यवस्थापन गर्न लागिएको हो।

गुल्मीको मदाने गाउँपालिका स्थायी घर भएका कोरोना संक्रमितको रुपन्देहीको मणिग्रामस्थित क्रिमसन अस्पतालमा उपचारकै क्रममा ज्यान गएको थियो।

मृतकको शव व्यवस्थापन नेपाल सरकारको मापदण्डअनुसार हुने प्रदेश ५ सामाजिक विकास मन्त्रालयअन्तर्गतको स्वास्थ्य सेवा महाशाखाका प्रमुख डा. उमशंकर प्रसाद चौधरीले बताए।

नेपाली सेनाले शव व्वस्थापन गरेको रुपन्देहीका प्रमुख जिल्ला अधिकारी माहादेवपन्थले बताए। उनले भने पहिलो केस भएकोले तयारी गर्दा ढिलो भएको हो ।

जेठ १ गते उपचारका लागि अस्पतालमा आएका उनको हिजो बिहान ७ बजे र १० मिनेटमा मृत्यु भएको घोषणा अस्पतालले गरेको थियो। तर, मृतकका आफन्तले उपचारमा लापरबाहीले मृत्यु भएको भन्दै शव व्यवस्थापनमा सहमति नदिएका कारण शव अस्पतालको आईसीयूमै थियो।

स्थानीय प्रशासनले तिलोत्तमा नगरपालिकाको वडा नम्बर १ मा रहेको शंंकरनगर सामुुदायिक वन क्षेत्रमा मृतकको शव व्यवस्थापन गर्ने निर्णय गरेको छ।