कोरोना संक्रमित ४८७, कुन प्रदेश र जिल्लामा कति (विवरणसहित)

शुक्रबार बिहानसम्म नेपालमा कोरोना भाइरसबाट संक्रमितको संख्या ४८७ पुगेको छ। यीमध्ये ४९ जनालाई निको भएको छ भने ३ जनाको निधन भएको छ।

नेपाल समय | शुक्रबार, जेठ ९, २०७७

नेपाल समय

शुक्रबार, जेठ ९, २०७७

काठमाडौं- शुक्रबार बिहानसम्म नेपालमा कोरोना भाइरसबाट संक्रमितको संख्या ४८७ पुगेको छ। यीमध्ये ४९ जनालाई निको भएको छ भने ३ जनाको निधन भएको छ। भाइरस संक्रमण देशका ३८ जिल्लामा फैलिएकाे छ।

सबैभन्दा बढी प्रदेश ५ मा २१३ जना संक्रमित भएका छन्। त्यसमध्ये सबैभन्दा प्रभावित बाँके जिल्लामा १०१ जनालाई संक्रमण भएको छ। कोरोना भाइरसबाट निधन भएकामा २ जना प्रदेश ५ कै (१ जना बाँके र १ जना गुल्मी) छन्। प्रदेश ५ मा अहिलेसम्म १ जनालाई मात्र कोरोना भाइरस निको भएको छ।

दोस्रो बढी प्रभावित प्रदेश २ मा अहिलेसम्म १५० जना संक्रमित भएका छन्। तीमध्ये सबैभन्दा बढी प्रभावित जिल्ला पर्सामा ९१ जना संक्रमित भएका छन्। प्रदेश २ मा ४ जनालाई कोरोना भाइरस निको भएको छ ।

यसपछि प्रदेश १ मा ८४ जना संक्रमित भएका छन्। सबैभन्दा बढी झापामा ३५ जना संक्रमित छन्। प्रदेश १ बाट २६ जना डिस्चार्ज भएको स्वास्थ्य मन्त्रालयले जनाएको छ।

बागमती प्रदेशमा २९ जना संक्रमित भएका छन्। कोरोना भाइरसबाट यो प्रदेशमा १ जनाको निधन भएको छ भने सबैभन्दा बढी १२ जना काठमाडौंमा संक्रमित छन्। बागमती प्रदेशमा ११ जनालाई कोरोना भाइरस निको भइसकेको छ। गण्डकी प्रदेशमा ५ जनामा संकमण देखा परेकाेमा २ जना डिस्चार्ज भइसकेका छन्।

सुदूरपश्चिम प्रदेशमा ५ जनालाई कोरोना भाइरस संक्रमण भएकामा सबैजना उपचारपछि घर फर्किएका छन्। कर्णाली प्रदेशमा भने हालसम्म १ जनामा कोरोना भाइरस देखिएको छ।