थप ३० जनामा कोरोना संक्रमण

काठमाडाैं- नेपालमा थप ३० जनामा कोरोना भाइरस संक्रमण भएको छ।

काठमाडौंकाे राष्ट्रिय जनस्वास्थ्य प्रयोगशाला र चितवनको भरतपुर अस्पतालमा गरिएको परीक्षणमा उनीहरुको संक्रमण पुष्टि भएको हो।

यो सहित नेपालमा कोरोना भाइरसबाट संक्रमित हुनेको संख्या ४८७ पुगेको स्वास्थ्य मन्त्रालयले जनाएको छ।

आज थपिएका संक्रमितमा नवलपरासी त्रिवेणी गाउँपालिका ६ का ४५ वर्षीय पुरुष, चितवन भरतपुर महानगरपालिका ६ केसरबाघका ७४ वर्षीय पुरुष र ७३ वर्षीय महिला छन्।

नवलपरासी सुस्ता गाउँपालिका ५ का ३३ वर्षीय पुरुष, सोही जिल्लाको रामग्राम नगरपालिका ३ का ३५ वर्षीय पुरुष र रामग्राम १८ कै १५ वर्षीया महिलामा कोरोना भाइरस संक्रमण भएको स्वास्थ्य मन्त्रालयले जनाएको छ।

यस्तै कपिलवस्तुको वाणगंगा नगरपालिका र मायादेवी गाउँपालिकाका (९ जना) २४, २५, २७, २९, ३४, ३६, ४५ र ५३ वर्षीय पुरुष र ८ वर्षीया बालिका संक्रमित भएका छन्।

अन्य संक्रमितमा सर्लाहीको गौडेता नगरपालिका ८, ९, ११, १३ र १५ वडा तथा रामनगर बहुअर्वा गाउँपालिका ७ का (१५ जना) २२, २२, २४, २५, २५, २७, ३२, ३४, ३४, ३५, ३८, ३८, ३८, ३९ वर्षीय पुरुष र १८ वर्षीया महिला छन्।