महाेत्तरी र काभ्रेका दुई संक्रमित नेपाली सेनाका सैनिक

काठमाडौं- शनिबार दिउँसो कोरोना भाइरसको संक्रमण पुष्टि भएका महोत्तरी र काभ्रेका दुईजना नेपाली सेनाका सैनिक भएको नेपाली सेनाका प्रवक्ता सहायक रथी विज्ञानदेव पाण्डेले जानकारी दिएका छन्।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा उनीहरू दुवैजनालाई संक्रमण पुष्टि भएको हो।

नेपाली सेनाको मध्यपूर्वी पृतना मुख्यालय, महोत्तरीमा कार्यरत दुई सैनिकमा कोरोना संक्रमण देखिएको प्रवक्ता पाण्डेले बताए ।

उनीहरु महोत्तरी निवासी ५२ वर्षीय र काभ्रे निवासी २६ वर्षीय पुरुष हुन् । उनीहरुमा कसरी कोरोना संक्रमण भयो भन्नेबारे अनुसन्धान भइरहेको छ ।

उनीहरुको कुन पदमा कार्यरत छन्  भन्ने खुलाइएको छैन ।

संक्रमण पुष्टि भएका दुवैजनालाई उपचारका लागि बलम्बुस्थित सशस्त्र प्रहरी बलको कोरोना अस्पतालमा ल्याउन लागिएको छ।

आज शनिबार बिहान स्वास्थ्य मन्त्रालयले थप ९ जनामा कोरोना संक्रमण पुष्टि गरेको थियो । योसँगै नेपालमा कोरोना भाइरसबाट संक्रमित हुनेको संख्या २७८ पुगेको छ।