महिला फुटबललाई तीजको उपहार, बंगलादेशलाई हराएपछि खुशीको बहार [तस्बिरहरू]

नेपालको जितमा डेब्यु खेलाडी सबिता राना र प्रिती राईले एक एक गोल गरेका थिए। बंगलादेशकी तोहुरा खातुनले एक गोल फर्काएकी थिइन्।

दिनेश श्रेष्ठ | बिहीबार, भदौ २४, २०७८

दिनेश श्रेष्ठ

बिहीबार, भदौ २४, २०७८

महिला फुटबललाई तीजको उपहार, बंगलादेशलाई हराएपछि खुशीको बहार [तस्बिरहरू]

काठमाडौं- नेपाली राष्ट्रिय महिला फुटबल टिमले पहिलो मैत्रीपूर्ण खेलमा बंगलादेशलाई पराजित गरेको छ। त्रिपुरेश्वरस्थित दशरथ रंगशालामा बिहीबार भएको खेलमा नेपालले बंगलादेशलाई २-१ गोल अन्तरले पराजित गरेको हो।

खेलको १४ औं मिनेटमा सबिताले गोल गरेकी थिइन् भने २३ औं मिनेटमा प्रितीले गोल गरिन्। त्यसपछि खेलको ८४ औं मिनेटमा बंगलादेशकी खातुनले गोल फर्काएकी थिइन्।

एएफसी महिला एसियन कप-२०२२ छनोटको तयारीका लागि नेपालले बंगलादेशसँग मैत्रीपूर्ण खेल खेलेको हो। दोस्रो मैत्रीपूर्ण आइतबार हुनेछ।

एएफसी महिला एसियन कप-२०२२ छनोट उज्वेकिस्तानमा आयोजना हुनेछ। एसियाली कप जनवरी २० देखि फेब्रुअरी ६ सम्म हुनेछ। तिजको व्रत बस्ने दिनमा नै भएको महिला खेलले नेपाली टिमलाई उत्साहित भएको छ।