एनसेलले बुझायो ४ अर्ब ६० करोड लाभकर

दूरसञ्चार सेवाप्रदायक कम्पनी एनसेलले पुँजीगत लाभ करबापत तिर्नुपर्ने रकममध्ये ४ अर्ब ६० करोड रुपैयाँ बुझाएको छ । उक्त रकम मंगलबार दाखिला गरेको ठूला करदाता कार्यालयका प्रमुख कर प्रशासक झलकराम अधिकारीले जानकारी दिएका छन्।

नेपाल समय | मंगलबार, चैत १८, २०७६

नेपाल समय

मंगलबार, चैत १८, २०७६

स्वामित्व परिवर्तन हुँदा सिर्जना भएको पुँजीगत लाभबापतको करमध्ये सुरुमा कम्पनीले २२ अर्ब रुपैयाँ सरकारलाई बुझाएको थियो । त्यसपछि बाँकी रकम कसले तिर्ने विषयमा विवाद हुँदा सर्वोच्च अदालतले एनसेलले २१ अर्व १० करोड रूपैयाँ पुँजीगत लाभकर तिर्नुपर्ने फैसला गरेको थियो ।

कम्पनीले उक्त कर २०७७ को असार मसान्तसम्म किस्तावन्दीमा तिर्ने सुविधा पाएको छ ।

सर्वोच्चको फैसलापछि कम्पनीले गत पुसमा ४ अर्ब ५० करोड बुझाएको थियो । अब एनसेलले १४ अर्ब रुपैयाँ हाराहारीमा लाभकर बुझाउन बाँकी छ ।

प्रकाशित: Mar 31, 2020| 19:43 मंगलबार, चैत १८, २०७६