प्रिमियर लिगमा हात मिलाउन प्रतिबन्ध

एजेन्सी– प्रिमियर लिगले खेलभन्दा अगाडि खेलाडीहरुलाई हात मिलाउन प्रतिबन्ध लगाएको छ। उसले अर्को सूचना नआउन्जेलसम्मको लागि खेलअघिको उक्त क्रियाकलापमा प्रतिबन्ध लगाएको हो।

इंग्ल्यान्ड सरकारले प्रतियोगितामा सुरक्षा अपनाउन आदेश दिएको एक दिनपछि लिगले हात मिलाउन प्रतिबन्ध लगाएको हो। तर, टिमका अन्य गतिविधि भने यथावत् रहनेछन्। खेलाडी पहिले जसरी नै लाइनमा खडा हुनेछन् र खेल्ने छन्।

प्रिमियर लिगको वेबसाइटमा सूचना जारी गर्दै भनिएको छ, ‘खेलाडीका साथै खेलका अधिकारीहरुबीच प्रिमियर लिगको फेयर प्लेमा हात मिलाउने कार्य प्रतिबन्धित गरिएको छ। यही सप्ताहन्तदेखि अर्को सूचना जारी नभएसम्म मेडिकलको सुभmावमा हात मिलाउन प्रतिबन्ध लगाइएको हो।’

‘विश्वभर फैलिएको कोरोना भाइरस मुख र नाकबाट निस्किने पानीको थोपा हातबाट अर्को मानिसमा सर्ने गर्दछ,’ जारी सूचनामा भनिएको छ।

जारी लिगको लिग लिडर लिभरपुलले पनि कोरोनाभाइसर प्रभावित क्षेत्रमा अफिसियल र खेलाडीको आवतजावतलाई प्रतिबन्ध लगाएको छ।