खप्तड गोल्डकप फाइनलः पहिलो हाफमा सुदूरपश्चिमको अग्रता

नेपाल समय | मंगलबार, फागुन २०, २०७६

नेपाल समय

मंगलबार, फागुन २०, २०७६

खप्तड गोल्डकप फाइनलः पहिलो हाफमा सुदूरपश्चिमको अग्रता

काठमाडौं– अन्तर्राष्ट्रिय आमन्त्रण सुदूरपश्चिम खप्तड गोल्डकपको फाइनल खेलमा आयोजक सुदूरपश्चिम ११ र थ्रिस्टार क्लब प्रतिस्पर्धा गरिरहेका छन्।

फाइनल खेलको पहिलो हाफ सकिएको छ भने आधा खेल सकिँदा सुदूरपश्चिम एक गोलको अगाडि छ। युवा स्ट्राइकर विक्रम सिंह ठकुरीको गोलमा सुदूरपश्चिमले अग्रता बनाएको हो।

खेलको २८ औं मिनेटमा आयोजक सुदूरपश्चिमका तर्फबाट बिक्रमले पोस्ट नजिकैबाट प्रहार गरेको बललाई थ्रिस्टारका किपरले रोक्न नसकेपछि आयोजक टोलीले सुरुवाती अग्रता लियो।

त्यसपछि दबाबमा परेको थ्रिस्टारले आक्रामक खेल प्रस्तुत गरे पनि खेलमा फर्कन सकेको छैन।

लगातार दोस्रो पटक फाइनल पुगेको थ्रिस्टारले कुनै सिजनको खप्तड गोल्डकप जितेको छैन। उता आयोजक टोली भने पहिलोपटक फाइनलमा पुगेको हो।

प्रकाशित: Mar 03, 2020| 10:35 मंगलबार, फागुन २०, २०७६