कहिले खुल्छ मौसम ? यस्तो हुनेछ आइतबारसम्मको मौसम

काठमाडौं- पश्चिमी न्यून चापीय प्रणालीका कारण बुधबारदेखि धुम्मिएको मौसम अझै तीन दिन नखुल्ने भएको छ ।

आगामी आइतबारसम्मको मौसमी अवस्थाको पूर्वानुमान गर्दै मौसम पूर्वानुमान महाशाखाले आइतबारसम्म वर्षा र हिमपातको सम्भावना देखाएको छ ।

वर्षा र हिमपातको क्रम बिहीबार बेलुकाबाट सुरु भएको थियो । आज (शुक्रबार) अधिकांश क्षेत्रमा वर्षा र हिमपात हुने महाशखाले जनाएको छ ।

मौसम पूर्वानुमान महाशाखाका अनुसार यस्तो हुनेछ आगामी तीन दिनको मौसम

पुस १८ गते (शुक्रबार)

दिउँसो : देशभर सामान्य बदली रही उच्च पहाडी तथा हिमाली भूभागमा मध्यमदेखि भारी हिमपात र पहाडी तथा तराईका केही स्थानमा हल्कादेखि मध्यम वर्षाको संभावना रहेको छ।

राति : देशभर सामान्य बदली रही उच्च पहाडी तथा हिमाली भूभागमा मध्यमदेखि भारी हिमपात र पहाडी तथा तराईका केही स्थानमा हल्कादेखि मध्यम वर्षाको संभावना रहेको छ।

पुस १९ गते (शनिबार)

दिउँसो देशभर सामान्य बदली रही उच्च पहाडी तथा हिमाली भूभागमा हल्का देखि मध्यम हिमपात र पहाडका थोरै स्थानमा हल्का वर्षाको संभावना रहेको छ।

राति देशभर आंशिक देखि सामान्य बदली रही उच्च पहाडी तथा हिमाली भूभाग थोरै स्थानमा हल्का हिमपात र पहाडका एक दुई स्थानमा हल्का वर्षाको संभावना रहेको छ।

पुस २० गते (आइतबार)

दिउँसो : देशभर आंशिक देखि सामान्य बदली रही उच्च पहाडी तथा हिमाली भूभाग थोरै स्थानमा हल्का हिमपात र पहाडका एकदुई स्थानमा हल्का वर्षाको संभावना रहेको छ।

राति : देशभर आंशिक देखि सामान्य बदली रही उच्च पहाडी तथा हिमाली भूभाग थोरै स्थानमा हल्का हिमपात र पहाडका एकदुई स्थानमा हल्का वर्षाको संभावना रहेको छ।