पीपीएल क्रिकेटमा पोखराको विजयी सुरुवात

पोखरा- दोस्रो संस्करणको पोखरा प्रिमियर लिग पीपीएल क्रिकेटमा घरेलु टोली पोखरा पल्टनले विजयी सुरुवात गरेको छ।

पोखराले काठमाडौं गोल्डेन्स वारियर्सविरुद्ध ९ विकेटको जित निकालेको हो।

पोखराले काठमाडौंले दिएको ११६ रनको लक्ष्य १४.१ ओभरमा मात्र १ विकेटको क्षतिमा पुरा गरेको हो।

पोखराका लागि कुशल भुर्तेलले अर्धसतक पुरा गरेका छन्। उनले अभिजित ६५ रनको योगदान गरे। भुर्तेलले ४३ बलमा ५ छक्का र ४ चौका प्रशार गरे।

त्यस्तै रवी इन्दर सिंहले अभिजित ३८ रन बनाए। आशिख सेखले १४ रन जोडे।

काठमाडौंका लागि शुसन भारीले जम्मा १ विकेट लिए।

त्यसअघि काठमाडौंले निर्धारित २० ओभरमा ८ विकेट गुमाउँदै ११५ रन जोडेको थियो।

काठमाडौंका लागि सुबोध भाटीले सर्वाधिक ४५ रनको योगदान गरे। उनले २९ बलमा ४ छक्का र ४ चौकाको मद्दतमा ४५ रन बनाए।

त्यस्तै गौरव तोमरले १३ र शुसन भारीले १० जोडे। अन्य व्याट्सम्यानले दोहोरो अंकको रन जोड्न सकेनन्।

राष्ट्रिय टोलीका कप्तानसमेत रहेका काठमाडौंका कप्तान ज्ञानेन्द्र मल्ल ५ बलमा १ रन बनाएर आउट भए।

पोखराका लागि रशिद खान, ललित राजवंशी र कुशल मल्लले २–२ विकेट लिए। त्यस्तै प्रथमेश डाके र रर्वजित लड्डाले १–१ विकेट लिए।