काठमाडौं- अन्तराष्ट्रिय क्रिकेट परिषद (आईसीसी) को विश्व वरियतामा नेपालको स्थान खस्किएको छ।
शुक्रबार आईसीसीले सार्वजनीक गरेको नयाँ वरियतामा नेपाल एक दिवसीयतर्फ एक स्थान तल झरेको हो।
आईसीसीले जारी गरेको वरियताको एक दिवसीय वरियतामा नेपाल १८ औं स्थानमा छ।
यसअघि नेपाल एक दिवसीयतर्फ १७ औं स्थानमा रहेको थियो। नेपालले अहिले सम्मकै खराब १९ रेटिङ पाएको छ।
एक दिवसीयतर्फ सर्वाधिक उच्च वरियता १४ औ स्थान हो।
एक दिवसीयमा इंग्ल्याण्ड शीर्ष स्थानमा रहेको छ।
यस्तै, दोस्रोमा भारत, तेस्रोमा न्युजिल्याण्ड, चौथोमा अस्ट्रेलिया र पाँचौ स्थानमा दक्षिण अफ्रिका रहेको छ।
यस्तै, टी–ट्वान्टी वरियतामा भने नेपाल यथावत छ। टी–ट्वान्टीतर्फ नेपाल १४ औं स्थानमा रहेको छ।