साग सकिन २ दिन बाँकी हुँदा कुन देशले कति पदक जिते ?

काठमाडौं- तेह्रौँ दक्षिण एशियाली खेलकूद (साग) सकिन २ दिन बाँकी छदा २४७ स्वर्ण पदकसहित ८२४ पदकको छिनोफानो भएको छ ।

आइतबारसम्मको खेल सकिदा भारत पहिलो स्थानमा छ भने नेपाल दोस्रो स्थानमा छ । श्रीलंका तेस्रो, पाकिस्तान चौथो, बंगलादेश पाँचौ, माल्दिभ्स छैटौँ र स्वर्ण पदक बिहिन बनेको भुटान सबैभन्दा पुछारमा छ ।

भारतले अहिलेसम्म १३१ स्वर्ण, ७७ रजत र ४० कास्यसहित कूल २४८ पदक जितेको छ । नेपाल ४५ स्वर्ण, ४४ रजत र ७५ कास्यसहित कूल १६४ पदक जितेको छ ।

यस्तै श्रीलङ्का ३४ स्वर्ण, ६६ रजत र ९३ कास्यसहित तेस्रो, पाकिस्तान २८ स्वर्ण, ३४ रजत र ४३ कास्यसहित चौथो, बङ्गलादेश आठ स्वर्ण, २८ रजत र ६६ कास्यसहित पाँचौँ, माल्दिभ्स एक स्वर्ण र दुई कास्य जित्दै छैटौँ तथा भूटान नौ कास्यसहित पदक तालिकाको अन्तिम स्थानमा छ ।

नेपालले आइतबार पौडी र जुडोमा एक एक स्वर्ण पदक जितेको हो । पौडीमा गौरिका सिंहले ४०० मिटर फ्रिस्टाइलमा भारतीय खेलाडीलाई हराउँदै स्वर्ण जितेकी हुन् । यस्तै जुडोमा देविका खड्काले ५२ किलो तौल समूहमा स्वर्ण जितेकी हुन् ।

यस्तो छ साग पदक तालिका