अन्तर्राष्ट्रिय टी–२० मा ज्ञानेन्द्रको पहिलो शतक

१३ औं दक्षिण एसियाली खेलकुद प्रतियोगिता (साग) क्रिकेटअन्तर्गत भुटानविरुद्धको अन्तर्राष्ट्रिय टी–२० खेलमा कप्तान ज्ञानेन्द्र मल्लले पहिलो शतक पूरा गरेका छन्। उनले ५३ बलमा ५ चौका र ८ छक्का प्रहार गर्दै १०१ रन बनाए।

नेपाल समय | बिहीबार, मंसिर १९, २०७६

नेपाल समय

बिहीबार, मंसिर १९, २०७६

काठमाडौं– १३ औं दक्षिण एसियाली खेलकुद प्रतियोगिता (साग) क्रिकेटअन्तर्गत भुटानविरुद्धको अन्तर्राष्ट्रिय टी–२० खेलमा कप्तान ज्ञानेन्द्र मल्लले पहिलो शतक पूरा गरेका छन्।

उनले ५३ बलमा ५ चौका र ८ छक्का प्रहार गर्दै १०१ रन बनाए।

उनले २०१९ जुलाई २४ मै अन्तर्राष्ट्रिय टि–२० क्रिकेटमा आफ्नो पहिलो अर्धशतक प्रहार गरेका थिए। मलेसियाविरुद्ध खेलमा उनले ५१ रन बनाएका थिए।

जारी प्रतियोगितामा १७.४ ओभरको खेल सकिँदा नेपालले दुई विकेटको क्षतिमा २१३ रन जोडेको छ। उपकप्तान दीपेन्द्रसिंह ऐरी ३२ रनमा अविजित छन्। उनले १९ बलमा चार चौका र १ छक्का प्रहार गरेका छन्

नेपालका लागि पारस खड्का ५७ रनको योगदान दिँदा रोहित पौडेलले ६ रन बनाउन सके।