१२औं सागभन्दा बढी स्वर्ण एकैदिनमा

१३ औँ दक्षिण एसियाली खेलकुद साग प्रतियोगिता जारी रहँदा नेपालले उत्साहजनक रुपमा स्वर्ण पदक जितिरहेको छ।

नेपाल समय | सोमबार, मंसिर १६, २०७६

नेपाल समय

सोमबार, मंसिर १६, २०७६

काठमाडौं- १३ औँ दक्षिण एसियाली खेलकुद साग प्रतियोगिता जारी रहँदा नेपालले उत्साहजनक रुपमा स्वर्ण पदक जितिरहेको छ।

यो समाचार तयार पार्दासम्म नेपालले, कराँते, तेक्वान्दो, ट्राइथ्लोनलगायतमा गरेर ९ स्वर्ण पदक जितिसकेको छ।

तर भारतमा सम्पन्न १२ औँ साग प्रतियोगितामा नेपालले जम्मा ३ वटा स्वर्ण पदक जितेको थियो। १२ औँ सागमा नेपालले तेक्वान्दोमा स्वर्ण गुमाएको थियो भने १३ औँमा तेक्वान्दोमै स्वर्ण जितेको छ।

१२ औं सागमा नेपालका लागि जुडोकी फूपु ल्हामू खत्री र उसुकी निमा घर्तिमगरले स्वर्ण जितेका थिए। त्यस्तै फुटबल टिमले पनि स्वर्ण जितेको थियो।

सामान्यतया आयोजक राष्ट्रले धेरै स्वर्ण जित्ने देखिए पनि नेपालले जारी स्पर्धाहरुमा उत्साजनक उपस्थिति देखाएको छ।

प्रकाशित: Dec 02, 2019| 09:48 सोमबार, मंसिर १६, २०७६