पुरुष टिम कातामा पनि नेपाललाई स्वर्ण

१३औं दक्षिण एसियाली खेलकुद (साग) अन्तर्गत कराते पुरुष टिम कातामा पनि नेपालले स्वर्ण जितेको छ। सोमबार भएको खेलमा मन्डेकाजी श्रेष्ठ, प्रवीण मानन्धर र महसुस तामाङको टिमले स्वर्ण जितेको हो।

नेपाल समय | सोमबार, मंसिर १६, २०७६

नेपाल समय

सोमबार, मंसिर १६, २०७६

काठमाडौं-१३औं दक्षिण एसियाली खेलकुद (साग) अन्तर्गत कराते पुरुष टिम कातामा पनि नेपालले स्वर्ण जितेको छ। सोमबार भएको खेलमा मन्डेकाजी श्रेष्ठ, प्रवीण मानन्धर र महसुस तामाङको टिमले स्वर्ण जितेको हो।

मण्डेकाजीले पुरुष एकल कातामा पनि नेपाललाई स्वर्ण दिलाएका थिए। उनी जारी सागमा दुई वटा स्वर्ण पदक जिताउने पहिलो खेलाडी बनेका छन्।

यस्तै तेक्वान्दोको पुम्सेमा नेपालले अर्को स्वर्ण पदक जितेको छ। १८ देखि २३ वर्षमुनिको प्रतिस्पर्धामा नेपालकी सीना मादेनले स्वर्ण पदक जितेकी हुन्। उनले ८.१५० अंकका साथ यो पदक जितेकी हुन्। यो सँगै नेपालको स्वर्ण पदक संख्या सात पुगेको छ।

प्रकाशित: Dec 02, 2019| 08:08 सोमबार, मंसिर १६, २०७६