फिफा वरीयतामा नेपाल तीन स्थान तल

विश्व फुटबल महासंघ (फिफा)को वरीयतामा नेपाल तीन स्थान तल झरेको छ। बिहीबार सार्वजनिक नयाँ वरीयताअनुसार नेपाल अहिले फिफा वरीयताको १७० औं स्थानमा छ।

नेपाल समय | बिहीबार, मंसिर १२, २०७६

नेपाल समय

बिहीबार, मंसिर १२, २०७६

काठमाडौं - विश्व फुटबल महासंघ (फिफा)को वरीयतामा नेपाल तीन स्थान तल झरेको छ। बिहीबार सार्वजनिक नयाँ वरीयताअनुसार नेपाल अहिले फिफा वरीयताको १७० औं स्थानमा छ।

यसअघि नेपाल १६७ स्थानमा थियो। विश्वकप छनोट र उमेर समूहको फुटबलमा राम्रो नतिजा निकाल्न नसक्दा फिफा वरीयतामा नेपालको स्थान खस्किएको हो।

दक्षिण एसियामा नेपालभन्दा माथि माल्दिभ्स १५५ औं स्थानमा, अफगानिस्तान १४९ औं स्थानमा र भारत १०८ औं स्थानमा छन्। दक्षिण एसियामा सबैभन्दा माथिल्लो स्थानमा भारत छ।

फिफा वरीयतामा बेल्जियम पहिलो स्थानमा कायमै छ। फ्रान्स दोस्रो र ब्राजिल तेस्रो स्थानमा छन्।

प्रकाशित: Nov 28, 2019| 13:14 बिहीबार, मंसिर १२, २०७६