ट्रयाक्टर पल्टिँदा २५ विद्यार्थी घाइते, दुईको अवस्था गम्भीर

नेपाल समय | बुधबार, मंसिर ११, २०७६

नेपाल समय

बुधबार, मंसिर ११, २०७६

ट्रयाक्टर पल्टिँदा २५ विद्यार्थी घाइते, दुईको अवस्था गम्भीर

सुर्खेत । सुर्खेतमा विद्यार्थी चढेको ट्रयाक्टर पल्टिँदा २५ जना घाइते भएका छन् । घाइतेमध्ये दुईजना विद्यार्थीको अवस्था गम्भीर रहेको छ । घाइते विद्यार्थीको विवरण भने खुलेको छैन । सुर्खेतको जनज्योती माध्यमिक विद्यालय बड्डीचौरका विद्यार्थीहरु मौरीको मह काढ्न जानेक्रममा आज दिउँसो दुई बजेतिर ट्रयाक्टर दुर्घटना भएको हो ।

उनीहरु विद्यालयदेखि करिब सात किलोमिटर टाढा हल्दुमा रहेको मौरी फार्ममा जान थालेका थिए । इलाका प्रहरी चौकी बड्डीचौरका प्रहरी सहायक निरीक्षक कृष्ण कँडेलका अनुसार ट्रली भाँचिएर ट्रयाक्टर दुर्घटना भएको हो । घाइते सबैको प्रदेश अस्पताल सुर्खेतमा उपचार भइरहेको छ ।

लामो समयदेखि कृषि तथा बाली विज्ञान अध्ययन गराउँदै आएको विद्यालयले कृषिमूलक व्यवसाय समेत गर्दै आएको छ ।

प्रकाशित: Nov 27, 2019| 10:20 बुधबार, मंसिर ११, २०७६