साग खेलकुद : विभिन्न देशबाट खेलाडीहरु आउने क्रम सुरु

काठमाडौं- १३ औं दक्षिण एसियाली खेलकुद (साग) मा सहभागी हुन विभिन्न देशबाट खेलाडीहरु आउने क्रम सुरु भएको छ।

मंगलबार बंगलादेशको पुरुष भलिबल टीम काठमाडौं आइपुगेको छ। भलिबलको बुधबार हुने उद्घाटन खेलमा नेपाल र बंगलादेशबीच प्रतिस्पर्धा हुनेछ।

साग खेलकुदको औपचारिक उद्घाटन १५ गते हुने भए पनि भलिबल भने बुधबार नै सुरु हुनेछ।

त्यस्तै माल्दिभ्स र श्रीलंकाको भलिबल टिम पनि काठमाडौं आइपुगेको छ।

भारत र पाकिस्तान टिम सोमबार साँझसम्म आइपुग्ने जनाइएको छ।

भलिबलमा नेपालसहित, बंगलादेश, भारत, पाकिस्तान, श्रीलंका र माल्दिभ्सले प्रतिस्पर्धा गर्ने छन्।

पुरुषतर्फ नेपाल रहेको समूहमा बंगलादेश र भारत छ भने अर्को समूहमा श्रीलंका, माल्दिभ्स र पाकिस्तान रहेका छन्।

भलिबलमा महिला र पुरुष तर्फ दुई वटा स्वर्ण पदकका लागि प्रतिस्पर्धा हुने छ। यसैगरी बिच भलिबल पोखरामा हुने छ।

बिच भलिबलमा पनि महिला र पुरुष गरि २ वटा स्वर्ण पदकका लागि प्रतिस्पर्धा हुनेछ।