प्रधानमन्त्रीले मन्त्रीहरुलाई विशेष निर्देशन दिँदै

काठमाडौं - प्रधानमन्त्री केपी शर्मा ओलीले मन्त्री तथा राज्यमन्त्रीहरुलाई विशेष निर्देशन दिने भएका छन्। ओलीले बिहीबार साँझ साढे ५ बजे सिंहदरबारमा मन्त्री तथा राज्यमन्त्रीहरुलाई विशेष निर्देशन दिन लागेका हुन्।

प्रधानमन्त्री ओलीले बुधबार मन्त्रिपरिषद् पुनर्गठन गरेका थिए। नवनियुक्त ६ मन्त्री र ३ राज्यमन्त्रीले बिहीबार सपथ ग्रहण गर्दै कार्यभारसमेत सम्हालीसकेका छन्।

नवनियुक्त मन्त्रीमा वसन्त नेम्वाङ, घनश्याम भुसाल, हृदयेश त्रिपाठी, पार्वत गुरुङ, लेखराज भट्ट र रामेश्वर राय यादव छन्। नेम्वाङलाई भौतिक पूर्वाधार तथा यातायात मन्त्रालय, भुसाललाई कृषि मन्त्रालय, त्रिपाठीलाई संघीय मामिला तथा सामान्य प्रशासन मन्त्रालय, गुरुङलाई महिला बालवालिका तथा ज्येष्ठ नागरिक मन्त्रालय, रायलाई श्रम र भट्टलाई उद्योग मन्त्रालयको जिम्मेवारी तोकिएको छ। यस्तै मोतिलाल दुगड उद्योग वाणिज्य तथा आपूर्ति राज्यमन्त्री, नवराज रावत स्वास्थ्य तथा जनसंख्या राज्यमन्त्री र रामवीर मानन्धर सहरी विकास राज्यमन्त्री नियुक्त भएका छन्।