हङकङविरुद्ध नेपाललाई पाँचौं सफलता

काठमाडौं- बंगलादेशमा जारी एसीसी इमर्जिङ एसिया कप क्रिकेटअन्तर्गत हङकङविरुद्धको खेलमा नेपालले पाँचौं सफलता हात पारेको छ।

नेपालका लागि अभिनास बोहराले पाँचौं विकेट लिएका हुन्। उनले पाँचौं विकेटका रूपमा मोहम्मद अ‍ैजाज खानलाई शून्य रनमै विनोद भण्डारीद्वारा क्याच आउट गराए। त्यसअघि उनले साहिद वसिफ र निजाकट खान मोहम्मदलाई पेवेलियन फर्काएका थिए।

अविनासले ६ ओभरमा १ मेडन फाल्दै २२ रन खर्चिएका छन्।

यस्तै, करन केसीले दुई विकेट लिएका छन्। उनले ६ ओभरमा १ मेडन फाल्दै २४ रन खर्चिएका छन्।

२१८ रनको लक्ष्य पछ्याउँदै ब्याटिङ गरिरहेको हङकङ १७ ओभर सकिँदा ५ विकेट गुमाएर ६२ रनमा खेलिरहेको छ। किञ्चित साह २० र हरुन मोहम्मद अश्रद ९ रनमा खेलिरहेका छन्।

यसअघि टस हारेर ब्याटिङ गरेको नेपालले निर्धारित ५० ओभरमा सबै विकेट गुमाएर २१७ रन जोडेको थियो। अलराउन्डर शरद भेषवाकरले सर्वाधिक ८९ रन जोडेपछि नेपालले २०० को आँकडा पार गरेको थियो। नेपालका लागि आरिफ शेखले ४२ र दीपेन्द्रसिंह ऐरीले ३७ रन जोडे।

बलिङतर्फ हङकङका मोहम्मद अ‍ैजज खानले तीन तथा नसरुल्लाह राना र एहसान नवाजले समान दुई विकेट लिए।

प्रतियोगिताअन्तर्गत नेपालको यो दोस्रो खेल हो।