नेपाललाई अर्काे सफलता, हङकङको तेस्रो विकेट झर्याे

काठमाडौं- बंगलादेशमा जारी एसीसी इमर्जिङ एसिया कप क्रिकेटअन्तर्गत हङकङ विरुद्धको खेलमा नेपालले तेस्रो सफलता हात पारेको छ।

नेपालका लागि अभिनास बोहराले तेस्रो विकेट लिए। उनले ७.१ ओभरमा प्रारम्भिक ब्याट्सम्यान निजाकोट खान मोहम्मदलाई ९ रनमा विनोद भण्डारीद्वारा क्याच आउट गराए।

यसअघि करन केसीले दुई विकेट लिएका थिए। उनले क्यामरुन ल्याचल्यान मकाउस्ल्यान र असन अलीलाई आउट गरेका थिए।

२१८ रनको लक्ष्य पछ्याउँदै ब्याटिङ गरिरहेको हङकङ दस ओभरमा ३ विकेट गुमाएर ४५ रनमा खेलिरहेको छ।

यसअघि टस हारेर ब्याटिङ गरेको नेपालले निर्धारित ५० ओभरमा सबै विकेट गुमाएर २१७ रन जोडेको थियो। अलराउन्डर शरद भेषवाकरले सर्वाधिक ८९ रन जोडेपछि नेपालले २०० को आँकडा पार गरेको थियो। नेपालका लागि आरिफ शेखले ४२ र दीपेन्द्रसिंह ऐरीले ३७ रन जोडे।

बलिङतर्फ हङकङका मोहम्मद अ‍ैजज खानले तीन तथा नसरुल्लाह राना र एहसान नवाजले समान दुई विकेट लिए।

प्रतियोगिताअन्तर्गत यो नेपालको दोस्रो खेल हो।